Ndërsa në Kosovë festohet Fitër Bajrami, kampionati elitar i futbollit nuk ndalet, me Superliga e Kosovës që rikthehet menjëherë në aksion këtë fundjavë me ndeshjet e javës së 26-të.
Pas një pauze të shkurtër vetëm për ditën e festës, skuadrat zbresin sërish në fushë për një rund që pritet të ketë ndikim të madh në garën për titull dhe mbijetesë.
E shtuna sjell dy përballje interesante, ku vëmendja kryesore do të jetë te dueli mes Prishtina dhe Ballkani, që zhvillohet në Kampin Nacional në Hajvali nga ora 13:00. Në të njëjtin orar luhet edhe sfida mes Ferizaj dhe Drenica.
Të dielën, fokusi zhvendoset në një nga përballjet më të ndjera të kampionatit, derbi i Anamoravës mes Gjilani dhe Drita, një duel që tradicionalisht sjell rivalitet të madh dhe atmosferë të zjarrtë.
Programi i javës plotësohet me ndeshjet Dukagjini – Prishtina e Re dhe Malisheva – Llapi.
