Tirron Mamusha triumfon në maratonën ndërkombëtare në Kröv të Gjermanisë
Maratonisti shqiptar Tirron Mamusha ka arritur sukses të madh në maratonën ndërkombëtare të mbajtur në Kröv të Gjermanisë, duke dalë fitues në garën prej 9 kilometrash.
Në një atmosferë festive dhe me pjesëmarrje të garuesve nga vende të ndryshme të Europës, sportisti shqiptar tregoi performancë të jashtëzakonshme, forcë mentale dhe përgatitje të lartë fizike, duke e mbyllur garën në vendin e parë.
Fitorja e Mamushës u përshëndet nga publiku shqiptar në diasporë, por edhe nga organizatorët e aktivitetit, të cilët vlerësuan nivelin e lartë të garës dhe paraqitjen dominante të atletit shqiptar.
Mbështetje të rëndësishme për Tirron Mamushën në këtë maratonë ka dhënë biznesmeni shqiptar Shkëlzen Gashi, pronar i Holiday Resort dhe TV Mergata, i cili ishte sponsor kryesor i maratonistit shqiptar në këtë aktivitet ndërkombëtar.
Ngjarja sportive u përcoll edhe nga TV Mergata, e cila solli pamje dhe raportime ekskluzive nga Gjermania, në një aktivitet që shërbeu edhe si promovim i sportistëve shqiptarë në arenën ndërkombëtare.
