Një sulm me thikë ka ndodhur mëngjesin e sotëm në stacionin kryesor të trenit në Winterthur, ku kanë mbetur të plagosur tre persona.
Sipas mediave zvicerane, incidenti ndodhi pak para orës 08:30, sipas orës lokale, në platformën 3 të stacionit. Dëshmitarët raportuan se autori i dyshuar bërtiti “Allahu Ekber” ndërsa sulmonte viktimat me thikë.
Policia ndërmori një operacion të madh dhe arrestoi brenda një kohe të shkurtër një shtetas zviceran, 31 vjeç. Pjesë të stacionit, përfshirë nënkalimin u izoluan, ndërsa ekipet e emergjencës u dhanë ndihmën e parë të plagosurve.
Autoritetet po vijojnë hetimet për të zbardhur rrethanat e ngjarjes dhe motivin që çoi në këtë incident të rëndë.
