Një tërmet me magnitudë 6.2 ballë goditi rajonin e Kalabrisë në orët e para të mëngjesit të sotëm, duke shkaktuar lëkundje që u ndien në disa pjesë të Italisë.
Epiqendra e tërmetit u lokalizua në Detin Tirren, mes qyteteve Amantea dhe Paola. Sipas Shërbimit Gjeologjik të Shteteve të Bashkuara (USGS), tërmeti u regjistrua rreth 10 milje në jugperëndim të Saracenës.
USGS bën të ditur se lëkundja ndodhi në një thellësi prej më shumë se 153 miljesh nën sipërfaqe, ndërsa epiqendra në sipërfaqe ndodhej rreth 23 milje larg qytetit të Kozencës, në rajonin e Kalabrisë.
Mediat italiane raportojnë se tërmeti u ndie edhe në zonën e Napolit, veçanërisht në rajonin e Vezuvit, në qendrën e qytetit dhe në zonën e Flegresë.
