Një ngjarje e rëndë ka ndodhur sot në Salzburg të Austrisë.
Tragjedia ndodhi kur një autobus elektrik doli nga kursi dhe u përplas në një supermarket në një kryqëzim në pjesën veriore të Salzburgut, duke vrarë një person dhe duke plagosur shtatë të tjerë.
Sipas një zëdhënësi të Kryqit të Kuq, “një person ndërroi jetë nga plagët e marra pavarësisht përpjekjeve për ringjallje”, ndërsa shtatë të plagosurit u dërguan në spital, dy prej të cilëve janë në gjendje të rëndë.
Autoritetet nuk kanë publikuar ende detaje rreth viktimës apo rrethanave të aksidentit.
Ekipet e shpëtimit kanë shkuar me nxitim në vendngjarje.
