Tension dhe xhelozi/ Zbulohet shkaku i shuplakës së Brigitte ndaj Macron: Je shumë e bukur…
Mai 13, 2026
0
Comments
5 Views
FRANCA- Motivi i shuplakës që Zonja e Parë e Francës, Brigitte Macron dha ndaj presidentit francez Emmanuel Macron është zbuluar nga redaktori politik i revistës ‘Paris Match’, Florian Tardif, në librin e tij të titulluar “Një çift perfekt”. Gjatë një interviste radiofonike në Francë, Florian Tardif u shpreh se incidenti ka ndodhur për shkak të një xhelozie nga ana e Brigitte Macron. Sipas tij Macron ka komplimentuar aktoren iraniane Golshifteh Farahani, duke i thënë se është shumë e bukur, përmes një mesazhi celular.
“Ajo që ndodhi ishte se Brigitte Macron pa një mesazh nga një person i famshëm, aktorja iraniane Golfitech Farahani. Presidenti francez kishte një lidhje dashurie platonike me aktoren për disa muaj. Ma kishin thënë këtë vazhdimisht. Mesazhet që më treguan ishin mjaft të avancuara, të stilit “je shumë e bukur”. Këto mesazhe çuan në tensione që përfunduan me grindjen private që u bë publike, pasi në një moment u krijua përshtypja se gjithçka ishte për shkak të një keqkuptimi, një keqkuptim veçanërisht serioz që kishte mbaruar. Përveç se nuk ndodhi kështu” tha gazetari. Në kohën e incidentit, shoqëruesit e presidentit minimizuan sekuencën, duke sugjeruar fillimisht se imazhet ishin nxjerrë jashtë kontekstit përpara se të ofronin shpjegime të mëtejshme.
“Ishte një moment kur presidenti dhe gruaja e tij po relaksoheshin për herë të fundit para fillimit të udhëtimit të tyre, thjesht duke u argëtuar pak. Ishte një moment intimiteti i përbashkët”, pohuan ata.
Vetë Emmanuel Macron e kishte hedhur poshtë idenë e një grindjeje familjare. Macron pranoi gjithashtu se imazhet ishin të vërteta, ndërsa denoncoi interpretimet që u bënë nga mediat.
“Jam i befasuar që kjo video është bërë një katastrofë globale. Por ato po bëhen për të thënë shumë budallallëqe”, deklaroi Presidenti i Republikës.
