Ronaldo dhe “mallkimi” i finaleve vazhdon në Azi, qan sikur mos të fitonte kurr
Mai 17, 2026
0
Comments
21 Views
Cristiano Ronaldo ka humbur mundësinë për ta fituar trofeun e parë me Al-Nassr, pasi skuadra saudite u mposht 1:0 nga Gamba Osaka në finalen e Ligës së Kampionëve aziatike të nivelit të dytë.
Finalja e zhvilluar në Riad u vendos nga goli i sulmuesit turk Deniz Hummet në minutën e 30-të, gol që rezultoi vendimtar për skuadrën japoneze.
Pavarësisht përpjekjeve të Al-Nassr në pjesën e dytë, rezultati mbeti i pandryshuar deri në fund. Një nga rastet më të mira për skuadrën saudite erdhi nga Joao Felix, por goditja e tij u ndal nga shtylla.
Me këtë fitore, Gamba Osaka e fiton për herë të parë këtë trofe, ndërsa Ronaldo dhe Al-Nassr mbeten ende në kërkim të suksesit kontinental. Tashmë fokusi i skuadrës saudite zhvendoset në kampionatin vendor, ku synon titullin kampion në ndeshjet e mbetura të sezonit.
