Ish-kongresmen i Nju Jorkut nga Bronksi dhe miku i shqiptarëve Eliot Engel, është ndarë nga jeta në moshën 79-vjeçare.
Lajmin për vdekjen e Engel, e dha familja e tij në një deklaratë, ku nuk janë bërë publike shkaqet e vdekjes.
“Gjatë më shumë se 44 viteve të tij në shërbim publik, Eliot Engel luftoi pa u lodhur për zgjedhësit e tij në vend dhe për paqen dhe sigurinë në mbarë botën. Ne e duam dhe na mungon shumë“, tha familja.
Engel u zgjodh për herë të parë në Kongres në vitin 1988. Ai u mund në zgjedhjet paraprake demokrate të vitit 2020 nga Jamaal Boëman , fituesi përfundimtar në zgjedhjet e përgjithshme të atij viti.
Po ashtu ish-kongresmeni konsiderohej si një nga mbështetësit më të mëdhej të Kosovës. Engel ka kritikuar Gjykatën Speciale në Hagë e cila është duke hetuar vetëm shqiptarët për krime të pretenduara se janë kryer gjatë dhe në muajt e parë pas mbarimit të luftës në qershor të vitit 1999.
