Moti i keq dhe prania e dendur e pluhurit afrikan po shkaktojnë probleme të konsiderueshme në të gjithë Kretën, duke ndikuar drejtpërdrejt në trafikun ajror në ishull.
Në aeroportin “Nikos Kazantzakis” të Heraklionit, dukshmëria është ulur ndjeshëm, duke detyruar të paktën dy avionë të devijojnë drejt aeroporteve të tjera për ulje.
Sipas raportimeve, dukshmëria ka rënë në rreth 1,000 metra një nivel që konsiderohet i pasigurt për ulje, duke shkaktuar vonesa dhe devijime të fluturimeve.
Situata mbetet nën monitorim të vazhdueshëm, pasi pluhuri afrikan vijon të ndikojë në dukshmëri dhe në operacionet aeroportit, duke shkaktuar vështirësi për linjat ajrore dhe vonesa në mbërritje.
