Një shpërthim i fuqishëm ka tronditur provincën Hunan në Kinë, duke shkaktuar të paktën 21 viktima dhe 26 të plagosur.
Sipas agjencisë shtetërore të lajmeve Xinhua, shpërthimi ndodhi paraditen e djeshme në qytetin Changsha. Menjëherë pas ngjarjes, rreth 500 ekipe shpëtimi u angazhuan në vendngjarje, ndërsa autoritetet ndërmorën evakuimin e banorëve nga zonat e rrezikuara.
Rreziku u shtua edhe më tej për shkak të pranisë së dy depove me barut të zi në afërsi, e cila detyroi autoritetet të marrin masa të shtuara sigurie.
Autoritetet kineze kanë nisur hetimet për të zbardhur shkaqet e shpërthimit dhe kanë ndërmarrë masa kontrolli ndaj personave përgjegjës në kompani.
Ndërkohë, ekipet e emergjencës po përdorin edhe tre robotë për të ndihmuar në operacionet e kërkim-shpëtimit.
