Një 19-vjeçare e dënuar në Gjermani për trafik droge është arrestuar nga policia në Tiranë. Maryam Assaf është dënuar me 10 vjet burg për veprimtari kriminale në fushën e narkotikëve nga Gjykata e Hanoverit e ka dënuar
Autoritetet në Tiranë bëjnë me dije se e reja pritet të ekstradohet drejt Gjermanisë.
Policia ne njoftimin zyrtar ben me dije se:
Në vijim të operacioneve të njëpasnjëshme të zhvilluara nga Drejtoria e Forcës së Posaçme Operacionale, si dhe falë shkëmbimit të informacioneve ndërmjet shërbimeve të DFPO-së dhe homologëve gjermanë, në kuadër të fazës së 85-të të operacionit të koduar “Operacionalja”, shërbimet operacionale të DFPO-së lokalizuan dhe kapën në Tiranë shtetasen gjermane, Maryam Assaf, 19 vjeçe.
Kjo shtetase kërkohej ndërkombëtarisht, pasi në muajin qershor 2025, Gjykata e Hanoverit e ka dënuar me 10 vjet burgim për veprimtari kriminale në fushën e narkotikëve.
Arrestimi provizor i saj u bë me qëllim ekstradimin drejt Gjermanisë.
