Fotot e Carla Bruni-t, shfaqur krahë bashkëshortit të saj Nicolas Sarkozy në gjykatë ditën e djeshme kanë bërë xhiron e rrjetit. Kjo sepse ish-modelja franceze u shfaq larg pamjes së saj joshëse.
Ajo mbante grim minimal, një kostum të thjeshtë të zi dhe një palë atlete të bardha për paraqitjen e saj në Pallatin e Drejtësisë në Paris. Në dorë mbante vetëm syzet e diellit dhe telefonin celular.
Pamja e saj ishte shumë ndryshe nga shfaqja saj e funditt më 21 tetor, krah ish-presidentit francez ndërsa ai po dërgohej në burgun La Sante.
Kujtojmë se Sarkozy, u dënua me 5 vite burg për konsoiracion kriminal në lidhje me një skemë për të siguruar fonde për fushatën e tij zgjedhore nga regjimi i Gadafit. Pas 20 ditësh në një burg në Paris, të cilin ai e përshkroi si “rraskapitës” dhe “të tmerrshëm”, ish-presidenti u lirua në nëntor, teksa është në pritje të apelit. Ai po ashtu ka botuar edhe një libër rreth përvojës së tij në burg.
