Një ngjarje e rëndë është regjistruar gjatë orëve të vona të natës në zonën e Fushë Dukatit në Vlorë. Ku katër betoniere të tonazhit të rëndë janë përfshirë nga flakët brenda një kantieri pune, në pronësi të biznesmentit Blerti Mehillaj.
Bazuar në të dhënat praraprake të dhëna nga burime për mediat, mjetet e punës kanë qenë të parkuara në ambientet e kantierit në momentin e ngjarjes, dhe dyshohet se një person ka hyrë në zonë, i ka spërkatur me benzinë dhe më pas u ka vënë flakën.
Katër mjetet janë djegur pjesërisht, ndërsa flakët kanë shkaktuar panik në zonë. Mësohet se në vendin e ngjajres kanë mbërritur menjëherë forcat zjarrfikëse dhe policia, të cilat kanë bërë të mundur neutralizimin e flakëve dhe nisjen e hetimeve.
Grupi hetimor është ende duke punuar për zbardhjen e plotë të rrethanave të rastit, kqyrjen e kamerave të sigurisë dhe identifikimin e autorit/autorëve.
