Prishtina është gati të mirëpresë një nga ngjarjet më të veçanta të bukurisë dhe frymëzimit për gratë dhe nënat. Konkursi ndërkombëtar “Empower queens”, nën kujdesin e Edita Krasniqi Vitija dhe me mbështetjen e Presidentit të “TV Mërgata”, Shkëlzen Gashi, do të zhvillohet këtë fundjavë, më 29 dhe 30 maj, në ambientet luksoze të “Holiday Resort” në Prishtinë.
Ky event i rëndësishëm sjell në qendër të vëmendjes bukurinë, dinjitetin, suksesin dhe rolin e pazëvendësueshëm të gruas në shoqëri, duke bashkuar pjesëmarrëse nga vende të ndryshme në një atmosferë festive dhe plot emocione.
Mbrëmjen e së mërkurës, zonjat konkurrente u pritën me ngrohtësi dhe elegancë në “Iliria Hill”, ku nisën zyrtarisht aktivitetet e këtij edicioni. Mikpritja e shkëlqyer dhe organizimi në nivel të lartë krijuan që në momentet e para një atmosferë të veçantë për të gjitha pjesëmarrëset.
Presidenti i “TV Mërgata”, Shkëlzen Gashi, shprehu mirënjohjen e tij të veçantë për pronarin e “Iliria Hill”, Bujar Behluli, drejtorin Skënder Konushevci dhe menaxherin Daut Shabani, për mikpritjen e ngrohtë, profesionalizmin dhe kushtet luksoze që kanë vënë në dispozicion për këtë ngjarje prestigjioze.
Prishtina do të jetë këtë fundjavë kryeqendra e bukurisë dhe frymëzimit femëror, ndërsa “Empower queens”, dhe ne kete edicion te dyte te saj, pritet të dhurojë një spektakël që do të mbetet gjatë në kujtesën e të gjithëve.
