Ambasadorët e 27 shteteve anëtare të Bashkimit Europian të mbledhur në Bruksel miratuan me konsensus qëndrimin e përbashkët për Kapitullin 21 për Rrjetet Trans-Europiane të Transportit.
Konferenca ndërqeveritare mes Malit të Zi dhe BE-së, e cila do të shënojë mbylljen zyrtare të këtij kapitulli, është planifikuar për me datë 17 mars në Bruksel.
Mali i Zi ka hapur të 33 kapitujt e negociatave për anëtarësim në BE dhe deri më tani ka mbyllur 13 kapituj.
Për Shqipërinë, në kushtet e mungesës së konsensusit mes shteteve anëtare të BE-së, u shty vendimarrja për raportin e ndërmjetëm IBAR për standartet në gjyqësor, pa të cilin nuk mund të nisë mbyllja e kapitujve të negociatave.
Lidhur me këto zhvillime, komisionerja Marta Kos do të raportojë të hënën pasdite në komisionin e jashtëm të Parlamentit Europian pas mbledhjes së ministrave të jashtëm europianë
