Kryeministri i Kosovës, Albin Kurti ka udhëtuar ditën e sotme në drejtim të Francës, ku pritet të zhvillojë një takim me presidentin francez Emmanuel Macron.
Deri më tani akoma nuk kanë dalë detaje nga takimi i dy politikanëve, ndërsa presidenti serb është frikësuar se Kurti do t’i kërkojë Macronit mbështetjen e tij për të dalë kundër popullit serb.
Në një intervistë të dhënë për median serbe “Prva.tv”, Vuçiç pretendon se përmes burimeve të tij ai ka mësuar se kryeministri i Kosovës do të dalë përballë Macronit me dy kërkesa.
Sipas Vuçiçit, kërkesa e parë bën fjalë për lejen nga francezët që populli i Kosovës të përdorë armët, po jo ndaj shqiptarëve. Ndërsa e dyta është që NATO të largohet nga zona e sigurisë në veri të Kosovës dhe Franca të shtojë forcat e sigurisë.
Pasi ngriti aludimet e tij se çfarë mundet kryeministri i Kosovës të kërkojë nga Franca, Vuçiç i frikësuar tha se ky do të ishte një sulm i drejtpërdrejt ndaj popullit serb, duke shtuar se është i bindur se Macroni nuk do e lejojë dicka të tillë.
