Negociatat mes Greqisë dhe Shqipërisë mbi përcaktimin e zonave detare janë gjithnjë e më pranë zbatimit, pasi Ministri i Mbrojtjes Nikos Dendias pritet të takohet me kryeministrin e Shqipërisë, Edi Rama këtë të hënë për bisedime të nivelit të lartë që synojnë rifillimin e një procesi që ka mbetur i bllokuar prej vitesh.
Kujtojmë se Dendias pritet të takohet me Ministrin e Mbrojtjes të Shqipërisë, Ermal Nufi, dhe Kryeministrin Edi Rama.
Axhenda e Dendias parashikon edhe një drekë pune në rezidencën qeveritare, ndërsa pasdite një takim edhe me Kryepeshkopin e Tiranës, Durrësit dhe gjithë Shqipërisë, Joanin.
Mësohet se fokusi i udhëtimit është të rifillojë një iniciativë dypalëshe të rënë dakord për herë të parë në tetor 2020, kur të dy vendet njoftuan qëllimin e tyre për t’ia referuar mosmarrëveshjen e tyre për kufirin detar Gjykatës Ndërkombëtare të Drejtësisë në Hagë.
Takimi mes dy palës greke dhe asaj shqiptare vjen pas një vizite të kohëve të fundit të Ramës në Greqi dhe brenda kuadrit më të gjerë të mbështetjes së Greqisë për përshpejtimin e procesit të pranimit në Bashkimin Evropian të Ballkanit Perëndimor.
