Autoritetet franceze këtë të mërkurë kanë izoluan 1,700 pasagjerë dhe ekuipazh në një anije turistike të ankoruar në Bordeaux, pasi një pasagjer vdiq dhe rreth 50 të tjerë u sëmurën me sëmundje të dyshuar gastrointestinale (GII), të njohur ndryshe si norovirus.
Anija kishte në bord 1,187 pasagjerë shumica e të cilëve janë shtetas britanikë dhe irlandezë, dhe 514 anëtarë të ekuipazhit, mbërriti në qytetin francez të martën, ku hipën zyrtarët francezë të shëndetësisë.
“Që nga ora 11:00 e mëngjesit sipas kohës së Mbretërisë së Bashkuar, më 13 maj 2026, ka dyzet e tetë raste aktive të GII në bordin e Ambition dhe një rast në ekuipazh”, tha anija turistike për Global Neës në një deklaratë.
Sipas The Guardian, shkaku i vdekjes se pasagjerit 90-vjeçar ende nuk është konfirmuar dhe pritet raporti i mjekut ligjor.
Kompania bëri të ditur se rritja e rasteve duket se nisi më 9 maj, pas nisjes së anijes nga Liverpooli, në veriperëndim të Anglisë. Anija ishte larguar nga Belfasti një ditë më parë, në kuadër të një udhëtimi turistik 14-ditor.
