Bayern Munich ka konfirmuar epërsinë ndaj Atalanta edhe në ndeshjen e kthimit të 1/8 së finales në Liga e Kampionëve, duke siguruar kualifikimin me një tjetër fitore bindëse.
Pas triumfit të thellë 6-1 në ndeshjen e parë, skuadra bavareze fitoi 4-1 në “Allianz Arena”, duke mbyllur përfundimisht çështjen e kualifikimit pa asnjë vështirësi.
Në këtë përballje, protagonist ishte Harry Kane me dy gola, ndërsa në listën e realizatorëve u regjistruan edhe Leroy Sané dhe Luis Díaz.
Për skuadrën italiane, golin e vetëm e shënoi Lazar Samardžić. Me këtë paraqitje dominuese në të dyja ndeshjet, Bayern dërgon një mesazh të qartë për rivalët në këtë edicion të Championsit.
Në fazën çerekfinale, gjiganti gjerman do të përballet me Real Madrid, që vjen pas eliminimit të Manchester City, në një përballje që pritet të jetë ndër më të mëdhatë e këtij raundi.
