Kosova vazhdon sot garën në Kampionatin Evropian të xhudos, me tri emra të rëndësishëm që synojnë medalje të reja për vendin.
Në kategorinë deri në 63 kilogramë do të garojë Laura Fazliu, ndërsa në kategorinë deri në 73 kilogramë do të paraqiten Akil Gjakova dhe Dardan Cena.
Garat për xhudistët kosovarë pritet të nisin me Dardan Cenën, i cili do të jetë i pari që do të zbresë në tatami, për t’u pasuar më pas nga Akil Gjakova dhe Laura Fazliu.
Kjo ditë vjen pas një fillimi të shkëlqyer për Kosovën, pasi Distria Krasniqi arriti të fitojë medaljen e artë në ditën e parë të garave, duke konfirmuar edhe një herë nivelin e lartë të xhudos kosovare në arenën ndërkombëtare.
