E ardhmja e Álvaro Arbeloa në stolin e Real Madrid mbetet e paqartë dhe pritet të vendoset nga performanca në Liga e Kampionëve.
Trajneri spanjoll mori drejtimin e “Los Blancos” pas largimit të Xabi Alonso, por deri më tani nuk ka arritur të stabilizojë skuadrën.Humbja e fundit ndaj Mallorca ka rritur presionin mbi të, teksa madrilenët ndodhen 7 pikë prapa liderit Barcelona, me vetëm tetë javë të mbetura në kampionat.
Sipas raportimeve të Diario AS, drejtuesit e klubit e kanë të qartë: e ardhmja e Arbeloas në “Santiago Bernabéu” do të varet plotësisht nga ecuria në Evropë.
Përballja e dyfishtë ndaj Bayern Munich, e cilësuar si një “finale para finales”, pritet të jetë vendimtare. Një eliminim nga Champions League do ta linte Realin pa trofe këtë sezon dhe do të sillte largimin e Arbeloas në verë.
Në anën tjetër, vetëm triumfi në kompeticionin më prestigjioz evropian mund ta shpëtojë trajnerin spanjoll dhe ta mbajë në krye të madrilenëve edhe për sezonin e ardhshëm – një mision që duket mjaft i vështirë.
