Real Madridi po kalon një nga periudhat më të vështira të sezonit, pasi nuk ka arritur asnjë fitore gjatë muajit prill. Rezultatet e fundit kanë ngritur alarmin te “Los Blancos”, që po humbin ritmin në momentin më kritik të garave.
Skuadra madrilene filloi serinë negative me humbjen 2-1 ndaj Mallorcas, për të vazhduar më pas me një tjetër disfatë të rëndë në Ligën e Kampionëve ndaj Bayern Munich (1-2). Kriza u thellua edhe më shumë me barazimin 1-1 kundër Gironas, ndërsa goditja më e madhe erdhi në ndeshjen e fundit, ku u mposhtën 4-3 nga Bayerni.
Këto rezultate tregojnë një rënie të dukshme të formës së ekipit, si në mbrojtje ashtu edhe në menaxhimin e ndeshjeve. Presioni tani është maksimal mbi stafin teknik, ndërsa tifozët kërkojnë reagim të menjëhershëm.
Me sezonin që hyn në fazën vendimtare, Real Madridi duhet të reagojë urgjentisht nëse dëshiron të mbetet në garë për trofetë kryesorë.
