Me 12 shkurt do të hidhet shorti i Ligës së Kombeve për sezonin 2026/2027, ndërsa tashmë janë bërë publike ndarjet e vazove për secilën kombëtare.
Përfaqësuesja e Kosovës, falë paraqitjeve të mira në sezonin e fundit, është ngritur në Ligën B të Nations League, duke u pozicionuar në vazon e katërt, së bashku me Suedinë, Maqedoninë e Veriut dhe Irlandën e Veriut.
Gjatë shortit, Kosova do të përballet me një kombëtare nga vaza e parë, vaza e dytë dhe vaza e tretë, ndërsa një nga mundësitë e spikatura për “Dardanët” është edhe Zvicra, kundërshtari i tyre në kualifikueset e fundit për Kupën e Botës.
Ndërkohë, Kombëtarja e Shqipërisë do të luajë në Ligën C për sezonin e ri të Nations League.
Kuqezinjtë ndodhen në vazon e parë, së bashku me Islandën, Malin e Zi dhe Kazakistanin, dhe do të presin shortin për të mësuar kundërshtarët e tyre të mundshëm. Sezoni i ri i Ligës së Kombeve premton sfida interesante dhe mundësi për të konsoliduar renditjen e kombëtareve shqiptare në arenën ndërkombëtare.
