Sulmuesi kolumbian Jhon Durán po tërheq vëmendjen e disa klubeve europiane, të cilët po e shohin si një mundësi për të përforcuar repartin ofensiv në minutat e fundit të merkatos dimërore.
Sipas burimeve nga Turqia, vendimi final për një transferim të mundshëm do të varet nga Fenerbahçe dhe nga vetë lojtari, por interesimi është i konfirmuar dhe kontaktet e para zyrtare mes klubeve kanë nisur gjatë kësaj jave.
Ekspertët e merkatos parashikojnë se ditët e ardhshme mund të jenë vendimtare për të ardhmen e Durán, me një transferim që mund të realizohet gjatë sprintit final të afatit kalimtar.
Sulmuesi 22-vjeçar po kalon një formë të mirë me Fenerbahçen dhe paraqitjet e tij kanë tërhequr vëmendje ndërkombëtare, duke e kthyer në një nga emrat më të kërkuar në tregun e transferimeve.
