Vedat Muriqi po zhvillon një sezon spektakolar në La Liga, duke konfirmuar formën e tij të jashtëzakonshme edhe në përballjen Mallorca – Athletic Bilbao, e vlefshme për javën e 20-të të kampionatit spanjoll.
Ndeshja nisi me ritëm të lartë dhe dy gola të shpejtë. Vendasit kaluan në avantazh që në minutën e 5-të, falë golit të realizuar nga sulmuesi kosovar. Pas një aksioni të shpejtë dhe asistit të Sergi Darder, Muriqi dërgoi topin në rrjetë me një goditje të saktë me të djathtën brenda zonës.
Ky ishte goli i 12-të për Muriqin në La Liga këtë sezon, shifër që e rendit atë mes golashënuesve më të mirë të kampionatit, duke lënë pas emra të njohur si Robert Lewandowski, Ferran Torres, Julián Álvarez, Lamine Yamal, Raphinha e të tjerë.
Deri tani, më mirë se sulmuesi i Kosovës ka bërë vetëm Kylian Mbappé, i cili kryeson renditjen e golashënuesve me 19 gola.
Megjithatë, gëzimi i vendasve nuk zgjati shumë, pasi Athletic Bilbao barazoi rezultatin në minutën e 7-të me golin e Unai Gómez.“
Pirati” vazhdon të shkruajë histori dhe të mbajë lart flamurin e futbollit kosovar në Spanjë.
