Bayern Munich po e monitoron seriozisht fubollistin nga Kosova Fisnik Asllani. Sipas raportimeve nga Fichajes, sulmuesi i Hoffenheim është rikthyer në radarët e kampionëve gjermanë dhe mund të jetë një nga objektivat kryesorë për merkaton e verës.
Trajneri Vincent Kompany thuhet se e sheh Asllanin si profil ideal për skemën e tij një sulmues dinamik, që lëviz mirë mes linjave dhe ka instinkt para porte. Pikërisht për këtë arsye, emri i tij është përmendur si një kërkesë konkrete për përforcimin e repartit ofensiv.
Në prapaskenë kanë nisur lëvizjet. Drejtori sportiv Max Eberl dhe drejtuesi teknik Christoph Freund po analizojnë mundësinë e një oferte zyrtare, ndërsa mbetet për t’u parë nëse Hoffenheim do të bindet ta lërë të lirë 23-vjeçarin për një shumë të arsyeshme.
Forma e tij këtë sezon flet vetë: 8 gola dhe 7 asiste në Bundesligë. Statistika që e vendosin Asllanin mes sulmuesve më produktivë të kampionatit dhe që e bëjnë kalimin te Bayern një skenar gjithnjë e më realist.
