Tirana konfirmon rikthimin e Visar Bekajt. Portieri i përfaqësueses së Kosovës është federuar zyrtarisht dhe do të jetë në dispozicion të trajnerit Ardian Nuhiu për ndeshjen e radhës ndaj Dinamos.
28-vjeçari kthehet në kryeqytet pas përfundimit të aventurës së tij te Hatajspor, ku klubi turk vendosi të shkëpusë kontratat e lojtarëve të huaj për shkak të problemeve me pagat.
Bekaj ka qenë pjesë e titullit kampion të Tiranës në vitin 2022 dhe rikthimi i tij shihet si një forcim i madh për portën e bardhebluve.
Derisa Thomas Tafas ishte zgjedhja e parë këtë sezon, rikthimi i Bekajt tregon se Tirana synon të besojë eksperiencën dhe sigurinë që portieri i përfaqësueses mund të ofrojë në derbin e madh ndaj Dinamos.
