Legjenda e futbollit anglez, David Beckham, ka hyrë në histori duke u bërë sportisti i parë britanik që arrin statusin e miliarderit. Sipas listës së fundit të pasurisë të publikuar nga “Sunday Times”, pasuria e Beckhamit dhe bashkëshortes së tij Victoria ka kaluar shifrën prej 1 miliard funtesh.
Raportohet se çifti tashmë zotëron një pasuri prej rreth 1.185 miliardë funtesh, ose afërsisht 1.36 miliardë euro. Rritja financiare është ndikuar nga marrëveshjet komerciale, markat personale dhe investimet në sport.
Një rol të madh në këtë sukses financiar ka luajtur edhe klubi amerikan Inter Miami, ku Beckham është bashkëpronar. Vlera e klubit në MLS është rritur ndjeshëm vitet e fundit, sidomos pas ardhjes së Lionel Messit në futbollin amerikan.
Kjo arritje e vendos ish-kapitenin e Anglisë mes figurave më të pasura të sportit botëror dhe forcon edhe më shumë ndikimin e tij në biznesin global të futbollit.
