Kosova do të jetë pjesë e turneut të futbollit në Lojërat Mesdhetare “Taranto 2026”, duke i dhënë fund paqartësive që qarkullonin ditët e fundit rreth pjesëmarrjes.
Fillimisht ishte raportuar se ekzistonin dyshime për një mosmarrëveshje mes Komiteti Olimpik i Kosovës dhe Federata e Futbollit të Kosovës lidhur me organizimin dhe përfaqësimin në këtë garë. Megjithatë, situata tashmë është sqaruar përfundimisht.
Sipas burimeve nga FFK, Kosova do të garojë në futboll me ekipin e vajzave U18, duke shënuar një tjetër hap të rëndësishëm në prezencën ndërkombëtare të futbollit kosovar.
Pjesëmarrja është konfirmuar edhe nga Komiteti Olimpik i Kosovës, i cili ka bërë të ditur se vendi do të jetë pjesë e programit futbollistik të këtij edicioni.
Ky zhvillim konsiderohet një sukses i rëndësishëm, sidomos për futbollin e vajzave, që vazhdon të fitojë hapësirë dhe përfaqësim në skenën ndërkombëtare.
Lojërat Mesdhetare “Taranto 2026” do të zhvillohen nga 21 gushti deri më 3 shtator në Itali, duke mbledhur mbi 20 shtete pjesëmarrëse nga rajoni mesdhetar.
