Sulmuesi i Kombëtares së Kosovës, Mirlind Daku, ka vizituar skuadrën e Llapit gjatë qëndrimit të kësaj të fundit në Antali, ku po zhvillon fazën përgatitore për pjesën e mbetur të sezonit.
Vizita e Dakut u prit me interes nga stafi teknik dhe futbollistët e Llapit, duke shërbyer si një moment motivues gjatë përgatitjeve intensive të ekipit.
Daku, i cili po qëndron gjithashtu në Antali për angazhime përgatitore me skuadrën e tij, shfrytëzoi rastin për të përshëndetur bashkëkombësit dhe për të ndarë disa momente miqësore me ekipin kosovar.
Llapi po vazhdon përgatitjet në Turqi me synimin për të arritur formën optimale para rifillimit të garave zyrtare.
