Mali ishte banori që u eliminua mbrëmjen e djeshme nga shtëpia e “Big Brother VIP”, ku ishte në nominim së bashku me Shëndritin dhe Edisën.
Pas daljes nga shtëpia, ai ka reaguar në rrjetet sociale, duke shprehur mirënjohjen për publikun që e ka mbështetur gjatë 104 ditëve të qëndrimit në këtë format.
“Kam hyrë në këtë eksperiencë si vetja ime dhe kam dalë po ashtu, me kokën lart dhe me shumë mirënjohje. Fitorja ime jeni ju dhe dashuria që më keni dhuruar,” shkruan ai në reagimin e tij.
Edhe pse nuk arriti të fitojë çmimin e madh, Mali theksoi se ka fituar diçka më të rëndësishme që është simpatia dhe mbështetja e publikut.
“Mali fitoi Big Brotherin e tij, falë karakterit të tij të fortë, dinjitetit dhe njerëzillëkut që tregoi në çdo moment. Ai fitoi zemrat e publikut me dashurinë dhe respektin që përcolli. Një fitore e merituar nga një njeri i vërtetë!” thekson Mali.
