Beşiktaş ka arkëtuar një fitore të rëndësishme në transfertë, duke triumfuar 2-3 ndaj Başakşehir në kuadër të javës së 22-të në Superligën e Turqisë.
Takimi ishte mjaft i luftuar dhe me ritëm të lartë, ndërsa fati i ndeshjes u përcaktua në minutat e fundit. Protagonist i momentit vendimtar ishte Milot Rashica, i cili dhuroi një asist cilësor, duke krijuar aksionin që solli golin e fitores për skuadrën e tij.
Me këtë asist, Rashica e çon në katër numrin e kontributeve me pasim për gol në kampionat këtë sezon, duke dëshmuar vazhdimësinë dhe ndikimin e tij në repartin ofensiv.
Fitorja i jep Beşiktaşit tri pikë të rëndësishme në objektivat e sezonit, ndërsa reprezentuesi kosovar vazhdon të konfirmohet si një nga lojtarët më të rëndësishëm në fazën sulmuese të ekipit.
