Kryetari i Aleancës, Ardian Gjini, njëherësh kandidat për kryeministër, mbrëmë në emisionin “Rubikon” në Klan Kosova, pos procesit të konstituimit të Kuvendit, foli edhe për zgjedhjen e presidentit të vendit.
Ai tha se partitë ish-opozitare duhet të tentojnë që partia në pushtet, Lëvizja Vetëvendosje, sipas tij, të mos e bllokojë më shtetin, transmeton Klankosova.tv.
“Unë besoj që duhet me tentu mos me lënë rrugë që partia që ka qenë në pushtet deri tash me e blloku shtetin”, tha Gjini në Klan Kosova.
Pos tjerash, Gjini tha se ka rrugë që çojnë në zgjedhjen e presidentit, megjithatë sipas tij, brenda VV-së mund të mos ketë guxim të mjaftueshëm për ta bërë këtë zgjidhje.
“Ka mundësi politike, nëse me të vërtetë duam, me arritë deri te qeveria e opozitës, pa e çu vendin në zgjedhe edhe një herë”, tha kreu i Aleancës.
Sa i përket emrit të Ramush Haradinajt si president, Gjini tha se ky nuk është kusht i Aleancës.
