Sipas raportimeve të fundit, ish-trajneri i Bolognas ka arritur marrëveshje të plotë me drejtuesit e klubit nga Stambolli, ndërsa zyrtarizimi pritet të bëhet shumë shpejt.
Italiano pritet të nënshkruajë kontratë dyvjeçare me “Shqiponjat e Zeza”, duke nisur një aventurë të re në futbollin turk.
Te Beşiktaşi, trajneri italian do të gjejë yllin e Kosovës, Milot Rashica, si dhe mesfushorin e Kombëtares së Shqipërisë, Kristjan Asllani, i cili ishte pjesë e klubit si i huazuar në pjesën e dytë të sezonit.
Drejtuesit e Beşiktaşit po shqyrtojnë mundësinë e blerjes përfundimtare të kartonit të Asllanit, ndërsa ardhja e Italianos mund të ndikojë pozitivisht në qëndrimin e mesfushorit shqiptar në Stamboll.
