Vetëm pak ditë para nisjes së Kupës së Botës 2026, FIFA po përballet me një problem të papritur. Sipas raportimeve të mediave ndërkombëtare, rreth 180 mijë bileta ende nuk janë shitur, duke lënë mijëra ulëse bosh për disa nga ndeshjet e turneut.
Kritikët fajësojnë çmimet e larta të biletave dhe modelin e çmimeve dinamike të FIFA-s, që ka bërë që disa bileta të fazës së grupeve të kushtojnë qindra, madje edhe mbi një mijë dollarë.
Edhe pse organizatorët kanë ofruar zbritje në ditët e fundit dhe çmimet në tregun e rishitjes kanë rënë ndjeshëm, kërkesa ka mbetur më e ulët se sa pritej.
Situata ka hapur debat të madh mes tifozëve, të cilët vlerësojnë se kostoja e lartë e biletave, udhëtimit dhe akomodimit në SHBA, Kanada dhe Meksikë po i pengon shumë adhurues të futbollit të jenë pjesë e Botërorit.
Megjithatë, FIFA mbetet optimiste se një pjesë e madhe e biletave të mbetura do të shiten në ditët e fundit para ndeshjeve hapëse.
