Teksa vendi ynë është përfshirë nga protestat, Partia Socialiste këtë të premte festoi 35-vjetorin e krijimit të saj, ku socialistët u mblodhën në Sheshin Italia për të marrë pjesë në këtë aktivitet.
E pranishme ishte edhe ish-ministrja e Jashtme dhe deputetja e PS-së, Elisa Spiropali, e cila muajt e fundit ka pasur përplasje të ashpra me kryeministrin Edi Rama. Mes tyre nuk kanë munguar as mesazhet e koduara të drejtuara ndaj njëri-tjetrit.
Spiropali ka publikuar një foto me dy figura të njohura të PS-së, Gramoz Ruçin dhe Et’hem Rukën, duke përcjellë një mesazh të koduar.
Përmes një poezie, ish-ministrja shkruan se hija e saj nuk di dhunë, por vetëm frymëzim lirie.
Postimi i Spiropalit:
Gëzuar 35-vjetorin PS
Hija ime nuk di dhunë,
Di veç frymëzim lirie,
Dhe di punë, punë, punë,
Mund pafund për Art magjie.
