Australia e ka nisur në mënyrë perfekte aventurën në Kupën e Botës 2026, duke triumfuar 2:0 ndaj Turqisë në ndeshjen e parë të Grupit D.
Australianët surprizuan skuadrën e drejtuar nga Vincenzo Montella me një paraqitje shumë të disiplinuar dhe efikase, duke siguruar tre pikë të arta në start të turneut.
Rezultati u zhbllokua në minutën e 27-të, kur Nestory Irankunda realizoi për 1:0, duke i dhënë epërsinë Australisë. Turqit tentuan të reagojnë, por nuk arritën të gjenin rrugën e rrjetës përballë mbrojtjes së organizuar australiane.
Çdo dilemë rreth fituesit u mbyll në minutën e 75-të, kur Connor Metcalfe shënoi golin e dytë dhe vulosi fitoren e skuadrës së drejtuar nga Tony Popovic.
Pavarësisht se në fushë kishte emra të njohur si Arda Güler, Kenan Yildiz dhe Hakan Çalhanoglu, Turqia nuk arriti të tregojë potencialin e saj dhe e nisi Botërorin me humbje.
Me këtë sukses, Australia ngjitet në vendin e dytë të Grupit D me tri pikë, po aq sa ka edhe SHBA-ja, duke e bërë garën për kualifikim edhe më interesante pas ndeshjeve të para.
