Portieri i Tottenham Hotspur, Antonin Kinsky, ka folur për herë të parë pas një nate të vështirë në UEFA Champions League kundër Atletico Madrid, ku u zëvendësua vetëm pak minuta pas fillimit të ndeshjes.
Në përballjen e zhvilluar të martën mbrëma në stadiumin “Riyadh Air Metropolitano”, Tottenham u mposht 5-2 nga gjigantët spanjollë. Trajneri Igor Tudor mori një vendim të guximshëm duke aktivizuar Kinskyn në vend të portierit titullar, Guglielmo Vicario. Por eksperienca e tij në fushë u duk e shkurtër dhe e vështirë: tre gola nga Marcos Llorente, Antoine Griezmann dhe Julian Álvarez u shënuan vetëm në 17 minutat e para, duke e detyruar Tudor të rikthejë Vicario-n në portë.
Kinsky, 22-vjeçar, ka pranuar përmes rrjeteve sociale se eksperienca ishte “nga ëndrra në makth”, duke falënderuar tifozët për mbështetjen.
“Faleminderit për mesazhet. Nga ëndrra në makth, dhe përsëri në ëndërr. Shihemi,” shkroi portieri.
Ish-portieri i Manchester City, Joe Hart, gjithashtu ka dalë në mbrojtje të tij, duke shprehur keqardhje për atë që ndodhi dhe duke kritikuar vendimin e Tudor:
“Jam i habitur. Jam përpjekur ta kuptoj dhe ndjesia ime e përgjithshme është se zemra më është thyer plotësisht për atë djalosh.”
Pas kësaj ndeshjeje, Kinsky përballet me sfidën e rikuperimit të besimit dhe konsistencës, ndërsa Tottenham kërkon rimëkëmbje në fazat e ardhshme të Champions League.
