Sulmuesi shqiptar Taulant Seferi vazhdon formën e tij të jashtëzakonshme në Ligën e Parë të futbollit në Turqi, duke kontribuar sërish në fitoren e Bodrumspor.
Skuadra e Bodrumspor triumfoi me rezultatin 3-2 në fushën e Igdir , në kuadër të javës së 30-të, ndërsa Seferi shënoi nga pika e bardhë e penalltisë, duke vulosur një performancë të fortë të ekipit.
Ky ishte goli i 16-të i Seferit në kampionat këtë sezon, ndërsa ai ka dhuruar edhe 7 asiste, duke treguar një sezon të jashtëzakonshëm si në realizimin e golave ashtu edhe në ndihmën ndaj shokëve të skuadrës.
