Mesfushori shqiptar, Besfort Zeneli, ka folur publikisht për vendimin e tij për të përfaqësuar Suedia në arenën ndërkombëtare, pavarësisht lidhjes së fortë familjare me Kosova.
Në një deklaratë emocionale, Zeneli theksoi se vendimi nuk ka qenë aspak i lehtë, duke qenë se rrënjët e tij janë nga Kosova.
“Unë kam lindur dhe jam rritur në Suedi. E dua me gjithë zemër. E njëjta gjë vlen edhe për Kosovën. Është vendi i prindërve të mi, kështu që ishte e vështirë. Vëllau luajti për Kosovën, por unë kisha një ndjenjë më të fortë për Suedinë”, është shprehur ai.
Deklarata e tij ka rikthyer në vëmendje debatet e shpeshta rreth lojtarëve me dy shtetësi dhe zgjedhjes së përfaqësueseve, një realitet i zakonshëm për shumë futbollistë me prejardhje shqiptare që janë rritur në vende të Evropës.
Vendimi i Zenelit konfirmon përkushtimin e tij ndaj Suedisë, ndërsa njëkohësisht ai ka theksuar respektin dhe dashurinë që vazhdon të ndjejë për Kosovën dhe origjinën e tij familjare.
