Përballja e shumëpritur mes kampionit të Evropës, Spanja, dhe kampionit të Amerikës së Jugut, Argjentina, do të zhvillohet në kuadër të “Finalissima”, por jo në Katar, siç ishte përfolur fillimisht.
Sipas raportimeve të fundit, UEFA dhe CONMEBOL do të mbajnë takime vendimtare gjatë kësaj jave për të përcaktuar stadiumin dhe qytetin pritës.
Vendimi final pritet të merret brenda 48 orëve të ardhshme. Aktualisht, Londra konsiderohet favoritja kryesore për organizimin e këtij eventi prestigjioz, ndërsa në garë mbeten edhe Milano dhe Roma.
“Finalissima” është një duel që vë përballë fituesin e Kampionatit Evropian dhe fituesin e Copa América-s, një format që ka rikthyer interesin global dhe pritet të tërheqë vëmendje të jashtëzakonshme nga tifozët në mbarë botën.
