Kombëtarja e Kosova ka zhvilluar seancën e radhës stërvitore në prag të përballjes historike ndaj Turqia.
Dardanët kanë edhe dy ditë në dispozicion para finales së “play-off”-it për Kupa e Botës FIFA 2026, një ndeshje që do të përcaktojë ekipin e fundit që do t’i bashkohet Grupit D, së bashku me Australia, Paraguaji dhe Shtetet e Bashkuara të Amerikës.
Në stërvitjen e sotme, përzgjedhësi Franco Foda është fokusuar veçanërisht në aspektet taktike të lojës, duke përgatitur ekipin për sfidën vendimtare. Atmosfera në kampin e Kosovës vazhdon të jetë shumë pozitive dhe motivuese, me lojtarët që duken të përkushtuar maksimalisht për këtë përballje.
Kombëtarja do ta zhvillojë stërvitjen e fundit nesër nga ora 11:00, ndërsa paraprakisht, në orën 10:30, do të mbahet konferenca për media.
Kosova do ta luajë ndeshjen jetike të martën nga ora 20:45, në një duel që mund të shkruajë historinë e futbollit të vendit.
