E ardhmja e Neymarit në futbollin profesionist mund të marrë një kthesë drastike. Superylli brazilian po mendon seriozisht të mbyllë karrierën që këtë vit, nëse nuk përfshihet në listën e Brazilit për Kupën e Botës.
Sipas burimeve pranë lojtarit, motivimi i vetëm që e mban Neymarin aktiv në futboll është ëndrra për të luajtur dhe fituar Botërorin me kombëtaren.
Rikuperimi nga dëmtimet, puna intensive fizike dhe të gjitha sakrificat e tij janë të fokusuara ekskluzivisht në këtë objektiv madhor. Aktualisht, Neymar nuk po mendon për kontrata të reja apo plane afatgjata në nivel klubesh.
E gjithë vëmendja e tij është e përqendruar te një gjë e vetme: sigurimi i ftesës nga Brazili për turneun më prestigjioz të futbollit botëror.
Nëse ky objektiv nuk realizohet, burimet sugjerojnë se Neymar është i gatshëm të mbyllë një kapitull të madh të karrierës së tij, duke i dhënë fund aventurës në futbollin profesionist.
