Florent Hadërgjonaj sot ka gjetur rrugën e rrjetës në Kupën e Turqisë, duke realizuar gol për Alanyasporin në përballjen ndaj Karagümrük.
Mbrojtësi i Kombëtares së Kosovës ishte protagonist në këtë duel, duke dhënë kontribut të rëndësishëm për skuadrën e tij, ndërsa vazhdon të tregojë formë të mirë edhe këtë sezon.
Në të gjitha garat, Hadërgjonaj numëron tashmë 3 gola dhe 2 asistime, shifra mbresëlënëse për një lojtar të repartit defensiv. Paraqitjet e tij të qëndrueshme po e shndërrojnë atë në një nga pikat më të rëndësishme të Alanyasporit në kompeticionet vendore.
