Në media sportive ndërkombëtare po qarkullojnë raportime serioze se Cristiano Ronaldo mund të jetë në prag të largimit nga Al‑Nassr, megjithatë deri më tani nuk ka asnjë konfirmim zyrtar nga klubi apo nga vetë lojtari për një largim të tillë.
Raportimet e ditës theksojnë se Ronaldo nuk ka qenë i aktivizuar në ndeshjet e fundit të Al‑Nassr, jo për shkak të dëmtimit, por për shkak të pakënaqësive të tij me menaxhimin e klubit dhe veçanërisht me strategjinë e transferimeve nën kontrollin e Public Investment Fund (PIF) të Arabisë Saudite.
Mediet raportojnë se sulmuesi portugez është i zhgënjyer që Al‑Nassr nuk ka bërë përforcime të mëdha gjatë afatit të janarit, ndërsa rivalët e tij kryesorë – përfshirë Al‑Hilal, klub ku u transferua së fundmi Karim Benzema – kanë qenë më aktivë në merkato. Kjo ka çuar në debate dhe tensione të brendshme, duke nxitur spekulime se Ronaldo mund të kërkojë një ndryshim klubi në verë.
Britanikët e Sky Sports theksojnë se ai është “i pakënaqur me mënyrën se si klubi po menaxhohet” dhe se mungesa e tij në 11‑shi nuk lidhet me dëmtim apo vendim sportiv, por me mosmarrëveshje mbi politikat e klubit.
Edhe pse këto zhvillime kanë ndezur spekulimet për një largim të mundshëm në verë, përfshirë interes të klubeve evropiane apo të MLS (ligës amerikane), nuk ka asnjë njoftim zyrtar që Ronaldo ka nënshkruar apo është rikthyer në Portugali apo te ndonjë klub tjetër. Raportimet mbeten në nivel analizash dhe spekulimesh derisa klubet apo vetë lojtari të bëjnë një deklaratë zyrtare
