Vedat Muriqi vazhdon të shkruajë histori në La Liga. Sulmuesi kosovar realizoi dy gola brenda katër minutave për skuadrën e Mallorca.
Me këtë dopietë të shpejtë, Muriqi arriti të thyejë rekordin e ish futbollistit të Barcelonës dhe legjendës së Mallorkës Samuel Eto’o, duke u futur në librat e historisë së klubit dhe të kampionatit.
Forma e tij mbresëlënëse e ka afruar edhe me një tjetër objektiv të madh: ai tashmë ndodhet vetëm dy gola larg golashënuesit më të mirë në La Liga, yllit të Real Madridit, Kylian Mbappe duke e vendosur veten në garë serioze për një arritje historike.
Sulmuesi i Përfaqësueses së Kosovës po kalon një nga sezonet më të mira në karrierën e tij, duke u shndërruar në një nga figurat kyçe të skuadrës dhe një nga emrat më të rëndësishëm në futbollin spanjoll.
