Tre nga klubet më të mëdha në historinë e futbollit europian, Real Madridi, Liverpooli dhe Barcelona ndodhen në një situatë delikate në Ligën e Kampionëve, teksa rrezikojnë eliminimin nga çerekfinalet e garës.
Pavarësisht se së bashku numërojnë 26 trofe të kësaj gare prestigjioze, tre gjigantët janë përballë një misioni të vështirë për të përmbysur disavantazhet e krijuara në ndeshjet e para.
Real Madridi, rekordmeni i trofeve europianë, u mposht 2:1 në shtëpi nga Bayern Munich, duke e vënë veten në një pozitë të pafavorshme për ndeshjen e kthimit.
Në anën tjetër, Liverpooli përballet me një disavantazh të thellë 2:0 kundër Paris Saint-Germain, ndërsa Barcelona pësoi humbje me të njëjtin rezultat në shtëpi ndaj Atletico Madridit.
Ndeshjet vendimtare zhvillohen këtë javë, ku të martën përballen Atletico Madrid – Barcelona dhe PSG – Liverpool, ndërsa të mërkurën luhen Arsenal – Sporting dhe Bayern Munich – Real Madrid.
Të gjitha këto sfida pritet të përcaktojnë katër skuadrat gjysmëfinaliste, në një edicion që po premton emocione dhe përmbysje spektakolare deri në fund.
