Përzgjedhësi i Kosovës në hendboll për femra, Agron Shabani, ka shpallur listën me 16 lojtare për dy ndeshjet ndaj Finland, në kuadër të fazës së dytë kualifikuese për Kampionatin Evropian 2026.
Ndeshja e parë zhvillohet më 5 mars në Vantaa nga ora 17:30, ndërsa e dyta më 8 mars në Pallatin e Rinisë dhe Sportit në Prishtinë nga ora 17:15.
Në skuadër rikthehen Dafina Mustafa, Yllka Shatri dhe Melisa Mulaj, ndërsa ftesë kanë marrë edhe lojtaret e reja nga U19: Vanesa Kastrati, Aulona Maloku dhe Albina Pllana, si pjesë e procesit të ndërrimit të gjeneratave.
Kosova dhe Finlanda kanë nga dy humbje në grup, me përballjet e marsit që pritet të jenë vendimtare për pozitën e tretë, e cila mund të sigurojë kualifikimin në Evropian.
