Kanadaja dhe Bosnja e Hercegovina kanë ndarë pikët në ndeshjen e parë të Grupit B në Kupën e Botës 2026, pasi përballja e zhvilluar në Toronto u mbyll me rezultat 1-1.
Takimi nisi me ritëm të kujdesshëm nga të dyja skuadrat, të cilat në minutat e para u fokusuan më shumë në organizimin defensiv sesa në rrezikimin e portës kundërshtare.
Boshnjakët kaluan në epërsi në minutën e 21-të. Pas një goditjeje nga këndi, topi mbeti në zonë dhe Lukiç reagoi më së miri, duke e dërguar në rrjetë nga afërsia për 1-0.
Pas golit të pësuar, Kanadaja mori kontrollin e lojës dhe shtoi presionin në kërkim të barazimit. Megjithatë, mbrojtja e Bosnjës qëndroi e vendosur, ndërsa skuadra ballkanase vazhdoi të kërcënonte përmes kundërsulmeve.
Kur gjithçka po shkonte drejt fitores së Bosnjës, vendasit gjetën golin e shpëtimit në minutën e 78-të. Jonathan David nisi aksionin, ndërsa Cyle Larin finalizoi me një goditje që u devijua nga një mbrojtës dhe përfundoi në rrjetë për 1-1.
Deri në fund nuk pati ndryshim rezultati, me të dyja skuadrat që e nisin aventurën në Grupin B me nga një pikë dhe lënë gjithçka të hapur për ndeshjet e ardhshme.
