Cole Palmer ka lënë gjurmë të pashlyeshme në Premier League pas paraqitjes fenomenale ndaj Wolverhamptonit, duke shënuar hat-trick në fitoren 3-1 të skuadrës së tij në “Molineux”.
Mesfushori ofensiv realizoi dy gola nga pika e bardhë dhe përfundoi tregolëshin me një goditje nga loja e hapur, duke rikthyer formën pas një periudhe të vështirë me lëndime.Wolves arritën të ngushtonin shifrat në pjesën e dytë me golin e Tolu Arokodare, por pa vënë në rrezik fitoren e miqve.
Ky hat-trick i ka dhënë Palmerit një vend në histori, duke u bërë lojtari i parë në historinë e Premier League që shënon tre hat-trick-e në pjesën e parë të ndeshjeve. Më parë, ai kishte realizuar tregolësha në 45 minutat e para ndaj Evertonit në prill 2024 dhe Brightonit në shtator 2024, ku madje shënoi katër gola në një pjesë lojë.
Trajneri Liam Rosenior pas ndeshjes vlerësoi qetësinë dhe cilësinë e Palmerit: “Cole është një lojtar i klasit botëror dhe kur skuadra funksionon mirë, ai di ta shfrytëzojë çdo moment.”
Me këtë fitore, skuadra e Palmerit forcon pozitat në garën për titullin, ndërsa ylli anglez konfirmon statusin e tij si një nga talentet më vendimtarë të Premier League.
